Jasóspirimder arasynda bokstan álem chempıonatynyń fınalyna qazaqstandyq 2 boksshy shyqty
TANA. 30 shilde. QazAqparat - Elordada ótip jatqan jasóspirimder arasynda bokstan álem chempıonatynyń fınalyna qazaqstandyq 2 boksshy shyqty, dep habarlady QR Boks federatsııasynyń baspasóz qyzmetinen.
Federatsııanyń aqparaty boıynsha, 54 kelide óner kórsetetin Bekjan Qıbatqalıev fınalda vengrııalyq Hertseg Norbertpen qolǵap túıistiredi. 80 keliden joǵary salmaq dárejesinde aqtyq márege joldama alǵan taǵy bir elimizdiń bylǵary qolǵap sheberi Dıdar Tólegenniń qarsylasy ózbekstandyq Oıbek Sharıpov bolmaq.
Sonymen qatar Aıan Qalybekov (60 keli), Dáýitbek Qaıyrgeldi (63 keli), Asqar Dúısáli (75 keli) qol júldege ıe boldy.
Búgin aıaqtalatyn jarysqa álemniń 50 elinen 500-ge tarta bylǵary qolǵap sheberi qatysty.
Aıta keteıik, 2009 jyly alǵash ret uıymdastyrylǵan álem chempıonatyna 47 elden 283 bylǵary qolǵap sheberi qatysqan bolatyn. Qazaqstan sol chempıonatta 3 kúmis, 1 qola medalmen jalpykomandalyq esepte 9-orynǵa taban tiregen edi.
