Jasóspirim jolaýshy toly avtobýsta oq jaýdyrdy
ASTANA. QazAqparat - Nıý-Iorktiń Brýklın aýdanynda jasóspirim jolaýshy toly avtobýsta oq jaýdyrdy, 1 adam qaza tapty, dep habarlady sheteldik BAQ.
14 jastaǵy jasóspirim avtobýsqa kirgennen keıin birneshe márte oq atqan. Osy oqys oqıǵa saldarynan jolaýshylardyń biri 39 jastaǵy Endjel Rodjas basyna oq tıip, oqıǵa ornynda kóz jumǵan. Al qoǵamdyq kólikte bolǵan basqa jolaýshylardyń zardap shekken, shekpegendigi jaıynda esh aqparat joq.
Polıtsııa qyzmetkerleriniń boljamynsha, jetkinshek basqa bireýdi atamyn dep abaısyzda E.Rodjasty oqqa baılaǵan. Osydan keıin oqıǵa ornynan boı tasalamaq bolǵan ony polıtsııa qyzmetkerleri tutqynǵa aldy. Qazirgi ýaqytta álginiń qarýdy qaıdan alǵandyǵy jáne nelikten kólikte oq atqandyǵy tergelýde.
