Jasóspirim taýyp alǵan 70 myń dollarlyq gaýhartasty ıesine qaıtardy
ASTANA. QazAqparat - Úndistanda 15 jastaǵy jasóspirim qap túbinen jalpy quny 4,5 mln rýpıı (70 myń dollar) turatyn gaýhartasty taýyp alyp, ony ıesine qaıtaryp berdi. Bul týraly TASS habarlaıdy.
Oqıǵa Úndistannyń Sýrat qalasynda bolǵan. Qymbat baǵaly tasty taýyp alǵan Vıshal Ýpadhaı men onyń ákesi birden zattyń ıesin izdegen. Gaýhartas Sýrat almaz qaýymdastyǵyna tıesili bolyp shyqty.
Jas balanyń adaldyǵyna rıza bolǵan qaýymdastyq basshysy Vıshalanyń bilim alýyna qarjylaı kómek kórsetetindigin habarlap úlgerdi.
«Almas qaýymdastyǵy Vıshalanyń adaldyǵy úshin onyń bir jyl ishindegi bilim alý shyǵyndaryn kóteredi. Al onyń bolashaǵy ózine baılanysty, ol bir jerdi tesip shyǵatyndyǵyna senemin»,- dedi qaýymdastyqtyń prezıdenti Dınesh Navadııa.
