Jasóspirim smartfonǵa qýat beretin aıaq kıim jasap shyǵardy
ASTANA. QazAqparat - 15 jastaǵy fılıppındik Andjelo Kazımıro elektr qýatynan alshaq qalǵan saıahatshyǵa ne bolmasa júgirgendi jany qalaıtyn sportshyǵa, sonymen qatar qaladan shalǵaıda turatyn adamdarǵa qajetti tamasha qurylǵy jasaǵandyǵyn jarııa etýde, dep habarlady sheteldik BAQ.
Ol aıaq kıimniń ultaraǵyna qysym nátıjesinde elektr qýatyn óndirip shyǵaratyn eki dısk ornatqan. Dál osyndaı qurylǵy ornatylǵan aıaq kıim kıgen adam júrgende ne bolmasa júgirgende elektr qýaty arnaıy akkýmýlıatorda jınaqtalyp, keıinnen USB arqyly uıaly telefonǵa qýat berý úshin paıdalanýǵa bolady.
Bul qurylǵynyń kómegimen telefonnan bólek USB arqyly qýat alatyn radıoqabyldaǵyshty, qolshamyn paıdaǵa jaratýǵa bolady.
Árıne, Kazımıronyń bul qurylǵysyn áli de bolsa tolyǵymen jetildirý qajet. Óıtkeni, onyń bul qurylǵysyn tolyǵymen paıdalaný úshin segiz saǵat júgirý ne basketbol oınaý qajet. Osynshama ter tókkenniń ózinde jınaqtalǵan elektr qýaty nebári 10 mınýtqa ǵana jetedi.
