Jasóspirim Londonnan Nıgerııaǵa ushaq shassıine jabysyp jetken
ASTANA. QazAqparat - Nıgerııalyq jasóspirim Londonnan ushaqtyń shassıge arnalǵan bóligine jabysyp Nıgerııanyń ońtústik-batysyndaǵy Lagos qalasyna aman-esen jetken.
Azamattyq avıatsııa ókilderi 15 jasar Nıgerııa azamatynyń 9,5 myń metr bıiktikke tán 50 gradýs sýyqtyqta ári 12 saǵat boıy qalaı tiri qalǵandyǵyn bile almaı otyr.
Bıletsiz jolaýshyny Med-View Airline áýe kompanııasynyń Boeing 747 ushaǵynyń tehnıkalyq bóliginen tapqan. Jasóspirimniń sózine qaraǵanda, ol Lagosqa ushyp baryp, keri qaıtýdy kózdegen, dep habarlaıdy AFP.
