Jasóspirim qyzdardy azǵyndyqqa ıtermelegen P.Barýhtyń isi sotqa berildi
ORAL. QazAqparat - Kámeletke tolmaǵandardy azǵyndyq jolǵa ıtermelegen degen aıyp taǵylǵan ulybrıtanııalyq azamat Pıter Barýhtyń isi sotqa berildi.
Oral qalasynyń prokýrory Aıdyn Rashıdovtyń aıtýynsha, endi onyń isin BQO kámeletke tolmaǵandar isi jónindegi mamandandyrylǵan aýdanaralyq soty qaraıtyn bolady. Eske sala keteıik, sheteldik azamat jasóspirim qyzdardy jalańash sýretke túsirip, ǵalamtorǵa taratqan. Buǵan qatysqandardyń sany jeteý bolsa, sonyń tórteýi Atyraýdan, úsheýi Oraldan. Olardyń ata-analary moraldyq shyǵyn retinde 5,4 mln. teńge óndirýdi talap etip otyr. Tergeý barysynda málim bolǵanyndaı, Pıter Barýh pornografııalyq sıpattaǵy eki myńnan astam fotosýret daıyndaǵan. Sheteldik azamat óz kinásin moıyndamaı otyrsa da, aıǵaq jetkilikti. Sonymen qatar P.Barýhtyń ata-anasy eger uly aıypty dep tanylatyn bolsa, onyń jasyn, otbasylyq jaǵdaıyn, eki balasy bar ekenin eskerip, bas bostandyǵynan aıyrmaýdy ótingen.
