Jasóspirim qyzdar arasyndaǵy basketboldan Qazaqstan chempıondary anyqtaldy
KÓKShETAÝ. QazAqparat – Aqmola oblysynyń Şýche qalasynda 2004 - 2005 jylǵy qyzdar arasynda basketboldan Qazaqstan Respýblıkasynyń chempıonaty ótti. Bul týraly QazAqparat tilshisi oblystyq dene shynyqtyrý jáne sport basqarmasyna silteme jasap habarlaıdy.
Vedomstvonyń málimeti boıynsha, týrnırdiń fınaldyq kezdesýinde aqmolalyq basketbolshy qyzdar Nur-Sultan qalasynan qarsylastarynan basym tústi. Al júldeli úshinshi orynǵa qostanaılyq basketbolshy qyzdar laıyq dep tanyldy.
«Jarys tartysty ótti. Jerlesterimiz sheber oıyn órnegin kórsetti. Buǵan jerlesimiz Kamıla Amanjolovanyń chempıonattyń úzdik oıynshysy atanýy aıqyn dálel», - deıdi Aqmola oblystyq dene shynyqtyrý jáne sport basqarmasynyń baspasóz hatshysy Mahabbat Bolshına.
Aıta keteıik, elordalyq komanda aqmolalyqtardyń basty qarsylasy. Jyl saıyn osy eki komanda basty júlde úshin tartysady. Aqmolalyq komandanyń jattyqtyrýshylary Tatıana jáne Vıktorııa Volkovalardyń aıtýynsha, komandasy 2017 jáne 2018 jyldary respýblıka chempıony atanǵan. Bıyl taǵy jeńis tuǵyryna kóterilip otyr.
