Jasóspirim «karate» sektsııasynan keıin kóz jumdy
ASTANA. QazAqparat - Qaraǵandy oblysynda qarasty Dýbovka eldi mekeniniń 14 jastaǵy jasóspirim jedel járdem kóliginde kóz jumdy. Bul aqparatty Qaraǵandy oblystyq polıtsııa departamenti rastady, dep habarlaıdy QazAqparat tilshisi.
Vedomstvo málimetinshe, 8 naýryz kúni Dýbovka eldi mekeniniń 14 jastaǵy jasóspirim oblystyq kardıologııa ortalyǵyna apara jatqan kezde, jedel járdem kóliginde qaıtys bolǵan.
«Polıtsııa qyzmetkerleri marqumnyń «karate» sektsııasynda bapkerdiń qatysýymen bolǵan jattyǵý kezinde dene jaraqatyn alǵandyǵyn anyqtady. Oryn alǵan oqıǵanyń tolyq mán-jaıyn jáne sebep-saldaryn jan-jaqty naqtylaý maqsatynda sotqa deıingi tergeý bastaldy. Qorytyndysy boıynsha jattyqtyrýshy men jedel járdem qyzmetkerleriniń is-áreketine quqyqtyq baǵa beriledi. Basqa aqparat QR QPK-niń 201-babyna sáıkes jarııalanbaıdy», - dep atap ótedi departamentten.
