Jasóspirim dostarynyń kóńilin kóterý úshin qańǵybasty uryp óltirdi
ASTANA. QazAqparat - Anglııanyń Blekpýl qalasynyń 16 jastaǵy turǵyny Konnor Stıýart dostarynyń kóńilin kóterý úshin aldarynan kezdeısoq shyqqan qańǵybas Maıkl Roýdsty uryp óltirdi, dep jazady Daily Mail.
Oqıǵanyń vıdeosy áleýmettik jelide tarap ketti. Jasóspirimderdiń ózderi túsirgen vıdeodan úı-kúısiz júrgen adamnyń jastarmen qaqtyǵysqa barýdy qalamaı turǵany ashyq kórinedi. Maıkl Roýdsty arqa qaraı sheginbek bolǵanda Konnor basynan urady.
Kadr artynan: «Qan aǵyp jatyr, ony óltirdiń!» degen daýystar estiledi.
Basylym taratqan málimetterge qaraǵanda, oqıǵa sońynda basy jarylyp, mıyna qan quıylǵan Maıkl Roýds aýrýhanaǵa jetkizilgen. Biraq ol úsh kúnnen soń kóz jumǵan.
Essiz áreketke barǵan jasóspirimder oqıǵa ornynan qashyp ketken. Keıin olardy quqyq qorǵaý organ qyzmetkerleri ustady.
Sotta Konnor Stıýart qańǵybasty ózin qorǵaý úshin urǵanyn aıtyp aqtalǵan. Alaıda ony dáleldeı almady. Oǵan 3 jylǵa bas bostandyǵynan aıyrý jazasy taǵaıyndaldy.
