Jasóspirim boksshy qyzdar quramasyna jańa bapker keldi

NUR-SULTAN. QazAqparat – Qazaqstannyń bokstan jasóspirim qyzdar komandasyna jańa bas bapker taǵaıyndaldy, dep habarlaıdy QazAqparat.

QR Boks federatsııasynan málim etkendeı, endi jasóspirim boksshy qyzdar quramasyn Qazaqstannyń eńbek sińirgen jattyqtyrýshysy Eldos Saıdalın jattyqtyrady.

34 jastaǵy E. Saıdalın AQSh Ulttyq Olımpıadalyq komıteti men Delaver ýnıversıteti birlesip daıyndaǵan Halyqaralyq olımpıadalyq komıtettiń halyqaralyq baǵdarlamasy boıynsha arnaıy kýrsty támamdaǵan.

Ol 2004 jylǵy jastar arasyndaǵy álem chempıonatynyń júldegeri, eresekter arasyndaǵy Azııa chempıonatynyń fınalısi jáne 2004-2005 jyldary el birinshiliginiń jeńimpazy atanǵan.