Jasóspirim bir motorly ushaqpen Jer sharyn aınalyp shyqty
ASTANA. QazAqparat - Ońtústik Dakotanyń Mett Gatmıller (Matt Guthmiller) esimdi 19 jastaǵy bozbalasy - jalǵyz ózi bir motorly ushaqpen saıahatqa shyqqan eń jas ushqysh. Ol 46 myń shaqyrymdaı ushyp ótken.
Gatmıllerdiń saıahaty 31 mamyrda bastalyp, dúısenbi kúni túnde aıaqtalǵan. Ol Kalıfornııa shtatynda ornalasqan Gıllespı Fıld áýejaıyna qondy.
Gonolýlý da bastalǵan sońǵy ushýynda ol 16 saǵat ushqan. Ushqysh Tynyq muhıtynyń ústimen ótken, dep jazdy RIA Novostı.
Burynǵy rekordty avstralııalyq Raıan Kempbell (Ryan Campbell) ornatqan. Saıahat jasap bolǵannan keıin onyń jasy 19 jas 7 aı 25 kún bolǵan. Gatmıller bul jasqa 24 shildede ǵana tolady.
