Jaslan Mádıevtiń mınıstr bolýyna qaıyn atasynyń qandaı qatysy bar
ASTANA. KAZINFORM — Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıevke Májilis otyrysynan keıin vedomstvo basshylyǵyna kelýine baılanysty suraq qoıyldy.
«Bizde mınıstrlerdiń kandıdatýrasyn Májilis bekitedi. Sizdiń qaıyn atańyz sizdiń kandıdatýrańyzǵa daýys bergen depýtattardyń tiziminde boldy ma?» — dep surady jýrnalıst.
Mınıstrdiń aıtýynsha, Dúısenbaı Turǵanov — onyń kandıdatýrasyn daýysqa salǵan komıtettiń múshesi emes.
«Bul komıtette ol bolǵan joq», — dedi Jaslan Mádıev.
