Jaslan Mádıev: Jeke derekterdiń tarap ketýine adamdardyń ózderi sebep bolady

ALMATY. KAZINFORM - Almatyda jasandy ıntellekt jaıynda AlmatyFair.ai kórmesi ótip jatyr. 

Іs-shara barysynda Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev elimizdegi kıberqaýipsizdik máselesine baılanysty pikir bildirdi. 

— Kıberqaýipsizdik boıynsha reıtıngilerde biz Qytaı, Kanada sııaqty eldermen birge kıberqaýipsizdik deńgeıi boıynsha ozyq elderdiń ekinshi tobyndamyz. Al kıberqaýipsizdikke aıtylǵan syn boıynsha jıi burmalaýshylyqtar bar. Jeke derekterdiń tarap ketýine kóbinese adamdardyń ózderi sebep bolady. Sondyqtan barlyq jaǵdaıda aqparattyq júıemiz buzylǵan dep aıtýǵa bolmaıdy. Ár suraqty jeke qarastyrý qajet. Naqty faktiler bolsa, bizge júginýge bolady. Tekseris júrgizemiz, - dedi mınıstr. 

Eske salaıyq, buǵan deıin Jaslan Mádıev jasandy ıntellekt Qazaqstandaǵy jumys oryndaryn qanshalyqty azaıtýy múmkin ekenin aıtqan edi.