Jaslan Mádıev Starlink júıeleriniń Qazaqstandaǵy jumysqa daıyndyǵyn tekserdi
ASTANA. KAZINFORM – Premer-Mınıstrdiń orynbasary – Jasandy ıntellekt jáne tsıfrlyq damý mınıstri Jaslan Mádıev Starlink ókilderimen elimizde spýtnıktik tehnologııalardy engizýdiń aralyq nátıjelerin talqylady.
Jıynǵa beıindi memlekettik organdardyń mamandary da qatysty.
Kezdesýdiń negizgi taqyryby 2025 jylǵy 12 maýsymda qol qoıylǵan kelisimniń júzege asyrylý barysy boldy.
Qujatqa qol qoıylǵan sátten bastap joba belsendi kezeńge ótti: kompanııa el aýmaǵynda jerústi ınfraqurylymyn óristetý jumystaryna kiristi. Taraptar kelisim aıasyndaǵy mindettemelerdiń oryndalýyn egjeı-tegjeıli taldap, júıelerdiń tehnıkalyq daıyndyǵyn baǵalady.
Tehnıkalyq máselelermen qatar, spýtnıktik jeli jumysyn Qazaqstannyń quqyqtyq órisine tolyq ıntegratsııalaý maqsatynda onyń retteýshi normalarǵa sáıkestigine erekshe nazar aýdaryldy.
2025 jylǵy 12 maýsymda Jasandy ıntellekt jáne tsıfrlyq damý mınıstrligi men «Starlink Kazakhstan» kompanııasy Qazaqstan aýmaǵynda spýtnıktik ınternetti iske qosý týraly kelisimge qol qoıdy.
Pılottyq joba sheńberinde kompanııa jerústi ınfraqurylymyn qurý, ony paıdalanýǵa berý jáne tehnıkalyq iske qosý jumystaryn júrgizip jatyr.
Aıta ketelik Qazaqstanda Starlink Direct to Cell spýtnıktik baılanys tehnologııasy synaqtan sátti ótken edi.
