Jasyryn tonnel arqyly shekaradan janarmaı ótkizgen halyqaralyq qylmystyq top ustaldy
ASTANA. KAZINFORM — Túrkistan oblysy prokýratýrasynyń úılestirýimen, Qarjylyq monıtorıng agenttiginiń jáne Ulttyq qaýipsizdik komıtetiniń oblystyq departamentteri birlesip, Ózbekstan quqyq qorǵaý organdarynyń qoldaýymen janarmaı ónimderin jasyryn tonnel arqyly shekaradan ótkizýmen aınalysqan halyqaralyq qylmystyq toptyń áreketin áshkereledi.
Tergeý barysynda anyqtalǵandaı, Qazaqstan men Ózbekstan arasyndaǵy shekaraǵa jaqyn aýmaqta top músheleri 450 metrlik jerasty tonnelin qazǵan.
Qylmystyq shema 2 aı boıy jumys istegen. Osy ýaqyt ishinde shetelden qarjylandyrylyp otyrǵan janar-jaǵarmaı materıaldaryn tasymaldaýǵa arnalǵan logıstıkalyq baǵyttar men jasyryn shyǵarý arnasy qurylǵan.
Operatsııa barysynda Ózbekstan tarapy da óz aýmaǵynda dál osyndaı sharalar júrgizgen. Nátıjesinde qylmystyq áreketke qatysy bar barlyq tulǵa anyqtaldy.
Qazaqstan Respýblıkasynyń 5 azamaty kúdikti retinde tanyldy.
Qazir tergeý aıaqtalyp, qylmystyq is sotqa joldandy.
Aıta keteıik, Soltústik Qazaqstanda zańsyz ken óndirgender ustalǵan bolatyn.