Jasyl jaılaý, túkti kilem, kók kilem - «Atameken» ánine 55 jyl

ALMATY. KAZINFORM – Qazaqstannyń halyq ártisi Eskendir Hasanǵalıevtiń týǵanyna búgin 85, al «Atameken» ánine bıyl 55 jyl toldy. 

Қазақстан
Фото: Мақсат Шағырбаев/Kazinform

Daryndy tulǵanyń uly Birjan Hasanǵalıev agenttik tilshisimen suhbat barysynda ánniń shyǵý tarıhy týraly aıtyp berdi.

– «Atameken» áni 1970 jyly shyqqan. Bastapqyda týǵan ólkege degen saǵynyshtan áýen týady. Uzaq tolǵanystardan keıin, áýenge sóz jazylady. Daıyn bolǵan soń, Eskendir Hasanǵalıev ony Qadyr Myrza Álige tyńdatady. Áýen aqynǵa birden unap qalady. Ol ákeme: «Rýhty oıatyp, jiger-kúsh beretin naǵyz patrıottyq án eken. Ony bir aýylǵa nemese bir oblysqa emes, búkil qazaq halqyna arnaý kerek», - dep usynys jasaıdy.

Ult rýhanııatynda esimderi altyn árippen jazylǵan Qadyr Myrza Áli men Eskendir Hasanǵalıevtiń shyǵarmashylyq odaǵynan týǵan týyndy birden halyq súıispenshiligine bólenedi.

Qazaq jerinde emes, shetelderde de tanyldy. Jarty ǵasyrdan astam ýaqyt buryn jazylǵan maǵynaly án bul kúnde óz rýhyn joǵaltqan joq. Kez kelgen qazaq kontsertinde shyrqalady. Birde-bir memlekettik deńgeıdegi merekelik saltanatty jıyn «Atameken» áninsiz ótpeıdi. Bul - qazaq júreginiń jyryna aınalǵan án, - dedi ol.

Hasanǵalıev
Foto: B. Hasanǵalıevtiń otbasylyq muraǵatynan

Aıta ketsek, 13 aqpan – QR Memlekettik syılyǵynyń ıegeri, Qazaqstannyń halyq ártisi Eskendir Hasanǵalıevtiń týǵan kúni.

Сейчас читают