Jasyl-El Taraz bıyl 605 jumysshysynyń mindetti zeınetaqy jarnasyn aýdarmaǵan
ASTANA. KAZINFORM — Jambyl oblysynyń prokýratýrasy Taraz qalasynda eńbek jáne zeınetaqy zańnamasyn buzýǵa qatysty 742 quqyqbuzýshylyqty anyqtady. Bul týraly óńirdegi prokýratýranyń baspasóz qyzmeti habarlady.
Tekserý barysynda «Jasyl-El Taraz» JShS 2025 jyldyń basynan beri 605 jumysshyǵa tıesili 24 mıllıon teńge kólemindegi mindetti zeınetaqy jarnasyn tólemegeni belgili boldy.
Sondaı-aq, Taraz qalalyq bilim bólimine qarasty 19 zeınetkerdiń de úsh mıllıon teńge kólemindegi zeınetaqy jarnasy aýdarylmaǵany anyqtalǵan.
Júrgizilgen tekserýler nátıjesinde jumys berýshilerge jalpy somasy 27 mıllıon teńgeni quraıtyn zeınetaqy jarnalaryn tolyq óteý mindetteldi.
Budan bólek, prokýratýra múmkindigi shekteýli azamattardyń eńbek quqyqtaryn qorǵaý boıynsha da sharalar qabyldaǵan. Nátıjesinde óńirde múgedektigi bar 41 qyzmetkerdiń jumys ýaqyty qysqartyldy. 45 adamǵa jumyssyzdyq boıynsha járdemaqy taǵaıyndalyp, 10 adam kásibı oqýǵa jiberildi, al 22 azamat sýbsıdııalanatyn jumys oryndaryna joldama aldy.
Eske salaıyq, buǵan deıin Jambyl oblysyndaǵy joldaǵy aqaýlar úshin merdiger 1,9 mln teńge aıyppul tóleıdi.