«Jasyl el» eńbek jasaǵyna 1200 atyraýlyq jas qyzyǵýshylyq tanytty

ATYRAÝ. KAZINFORM — Atyraý oblysynda «Jasyl el» jastar eńbek jasaǵynyń 21-maýsymy bastaldy. Oǵan jergilikti jastardan 1200 ótinish túsken.

Atyraý oblystyq kshki saıasat basqarmasynyń bas mamany Samal Sathanqyzynyń aıtýynsha, atalǵan joba aıasynda 1 myń jas jumyspen qamtylady. 

— Qazir jastar jasaǵyna qabyldaný úshin onlaın tirkeý jalǵasyp jatyr. Aýdandar ákimdikteri usynǵan kvota negizinde jumys oryndary bólinedi. Birinshi kezekte jumyssyzdar men shalǵaı aýyldyq okrýgterdegi jastar qamtylady. Jastarǵa tólenetin eń tómengi jalaqynyń mólsheri — 85 myń teńge. Jumysqa alynǵan jastar úshin ekologııalyq, mádenı, tanymdyq baǵyttaǵy is-sharalar qolǵa alynady, - deıdi Samal Sathanqyzy. 

Onyń málimetine súıensek, «Jasyl el» eńbek jasaǵyna 2023 jyly 1756 jas tartylǵan. Al, byltyr 1 jas atalǵan joba aıasynda jumys istegen. 

— Ótken jyly Jylyoı aýdanynda «Jasyl el» eńbek jasaǵy alǵash ret qurylys salasynda jumys istedi. Bul tájirıbe bıylǵy maýsymda da jalǵasyn tabady, - dep málim etti Samal Sathanqyzy. 

Bıyl bul jobany «Info Ortalyq» qoǵamdyq birlestigi júzege asyrady. Birlestik tóraǵasy Zamanbek Quraqbaıdyń dereginshe, jastarǵa motıvatsııa berý úshin arnaıy syılyqtar men onlaın kýrstarǵa qatysý sertıfıkatyn qarastyrylyp otyr. 

— Jastardyń tarapynan jobaǵa qyzyǵýshylyq joǵary bolyp otyr. Qazirdiń ózinde 1 myńnan astam ótinish qabyldandy. Muny jastardyń eńbek etýge, eldi kórkeıtýge úles qosýǵa degen yntasy deı alamyz, - deıdi Zamanbek Quraqbaı. 

Eske sala ketelik, budan buryn ekologııasy nashar Atyraý oblysyndaǵy jasyl jelek ósirý jaıyn jazǵan edik.