«Jasyl el»: 4 myńnan astam astanalyq jasóspirim jumyspen qamtyldy

ASTANA. KAZINFORM – Volonterler qalany kógaldandyrý jumystaryna belsendi aralasady. Sondaı-aq, jasóspirimderge jalaqy tólenedi. 

«Búgin «Jasyl el» jobasynyń 100-den astam qatysýshysy Baıqońyr aýdanyna qarasty Óndiris turǵyn úı alaby mańyn qoqystan tazartty. Bıyl «Jasyl el» baǵdarlamasynyń jıyrmasynshy maýsymy, osy jazda 4 200-ge jýyq jasóspirim jumyspen qamtyldy. Jalpy sany 7 myńǵa jýyq ótinim kelip tústi. Qazir 3 myńnan astam jasóspirim jumys istep jatyr, qalǵan 1 myńnan astam jetkinshek jumysqa tamyz aıynda kirisedi», - dedi Asylbek Abdýraıtov elordada ótken ekologııalyq aktsııa barysynda.

Onyń aıtýynsha, baǵdarlamaǵa qatysýshylar kúnine 4 saǵat jumys isteıdi jáne olarǵa 65 myń teńge jalaqy tólenedi. 

Aıta ketsek, «Jasyl el» jobasy arqyly jumys isteýi úshin jasóspirimge ata-anasynyń resmı ruqsaty kerek. 

«Jasóspirimder 3 saǵat jumys isteıdi, qalǵan 1 saǵatty ózderine arnaıdy. Biz qaladaǵy 100-den astam mekteppen birlesip jumys isteımiz. Ol jerde oqýshylar mektep mańyn, saıabaqtardy kógaldandyrý jumystarymen aınalysady. Jalpy baǵdarlamanyń maqsaty – jastardy eńbekke baýlyp, eko-mádenıetti qalyptastyrý», - deıdi ol. 

Buǵan deıin habarlaǵanymyzdaı, búgin Astana mańyndaǵy Óndiris turǵyn úı alabynda «Sátti sársenbi» atty ekologııalyq aktsııa uıymdastyryldy.