Jasyl dáliz, tsıfrlyq platforma: ınvestorlardy qoldaýdyń jańa tetikteri ázirlendi

ASTANA. Kazinform – Elimizde ınvestorlardy qoldaýdyń jańa tetikteri ázirlendi. Atap aıtqanda «Jasyl dáliz» júıesi men tsıfrlyq platforma iske qosyldy. Bul týraly Bas prokýratýrasy Qoǵamdyq múddelerdi qorǵaý qyzmeti bastyǵynyń orynbasary Rızat Smaǵulov málimdedi.

— Bas prokýratýranyń bastamasymen ınvestorlardy qoldaýdyń jańa tetikteri ázirlendi. Birinshiden, ınvestorlar úshin jeńildetilgen sharttar júıesi - «jasyl dáliz» engizildi. Syrtqy ister mınıstrligimen birlesip oǵan ınvestorlardy qosý krıterııleri ázirlendi. «Jasyl dálizge» qatysýshylar úshin: ruqsattar alý merzimderi qysqartyldy; biliktilik talaptarynyń shegi tómendetildi; jer berý, kommýnıkatsııa júrgizý sharttary jeńildetildi, - dedi ol OKQ alańynda.

Sondaı-aq Rızat Smaǵulov ınvestıtsııalyq protsesterdiń ashyqtyǵyn qamtamasyz etetin tsıfrlyq ınvestıtsııalyq platforma iske qosylǵanyn aıtty. 

— Platformada jobalardyń barlyq kezeńi tsıfrlandyrylǵan, laýazymdy tulǵalardyń rólderi jáne olardyń jaýapkershilik aımaǵy anyqtalǵan. Eger buzýshylyqtar men ákimshilik kedergiler bolsa, júıe prokýrorǵa habarlaıtyn bolady, - dedi Bas prkýratýra ókili. 

Aıta keteıik, elimizde ınvestorlardyń quqyǵyn buzǵan 140 laýazymdy tulǵa jazalandy.

Kúni keshe AQSh ınvestory qazaqstandyq ІT-startapqa $1 mln kóleminde ınvestıtsııa quıǵany týraly jazǵan edik.