«Jasyl aımaq» ekologııalyq aktsııasyna Qyzylordanyń jastary da belsendi atsalysty
QYZYLORDA. KAZINFORM – Respýblıka kóleminde ótip jatqan «Taza Qazaqstan» ekologııalyq aktsııasynyń úshinshi aptasy «Jasyl aımaq» ataýymen jalǵasyp jatyr. Osyǵan oraı, búgin týǵan ólkesin túletýge atsalysyp júrgen aımaqtyń 100-ge jýyq belsendi jasy qaladaǵy Qorqyt ata eskertkishi mańynda Syr talyn egip, atalmysh aktsııaǵa qoldaý bildirdi.
Belsendi jastar eskertkish aýmaǵyn qoqystardan tazartyp, ondaǵy aǵash dińgekterin áktep, syrlady.
Budan bólek, jastar ekoaktsııany qyzyqty ári erekshe ótkizý maqsatynda turǵyndarǵa til úıirer tátti balmuzdaqtar taratyp, eskertkish aýmaǵynda «Baýyrsaq party» sharasyn uıymdastyrdy.
Qala turǵyndary jastardyń mundaı belsendiligine rızashylyqtaryn bildirip, óz alǵystaryn jetkizdi.
Kóppen birge atqarylǵan jumys kóńil qýantady. Igi shara barysynda Qorqyt ata atyndaǵy Qyzylorda ýnıversıtetiniń stýdent jastary, volonterler jáne respýblıkalyq «Jas sarbaz» áskerı-patrıottyq qozǵalysynyń oblystyq fılıalynyń músheleri, Assambleıa jastary ekologııalyq aktsııada belsendilik tanytyp, tazalyq jumystaryn júrgizdi.
