«Jasyl aýla»: almatylyqtarǵa tegin kóshet taratý naýqany bastaldy
ALMATY. KAZINFORM – Naýqan aıasynda kópqabatty úılerdiń aýlasy men qoǵamdyq keńistikterdi kógaldandyrýǵa nıetti árbir almatylyq aǵash kóshetterin tegin alady.
Almaty qalasynyń Ekologııa jáne qorshaǵan orta basqarmasynyń málimetinshe, bıyl 228 ótinim maquldanyp, shamamen 2 myń japyraqty aǵash kósheti tegin taratylady.
Kóshetter 2025 jyldyń 19-20 sáýir kúnderi myna mekenjaı boıynsha ár aýdannyń komıýnıtı ortalyqtarynda taratylady:
1. Áýezov aýdany – Mamyr-1 shaǵyn aýdany, 26/1.
2. Alataý aýdany – Saıaly shaǵyn aýdany, 71
3. Medeý aýdany – Nazarbaev dańǵyly, 36.
4. Jetisý aýdany – Botkın kóshesi, 20.
5. Túrksib aýdany – Jas Qanat shaǵyn aýdany, 49A
6. Almaly aýdany – Baıtursynov kóshesi, 22/1.
7. Naýryzbaı aýdany – Shuǵyla shaǵyn aýdany, 343/7.
8. Bostandyq aýdany – Abaı dańǵyly, 164/6.
Ár komıýnıtı ortalyqta 100 danaǵa deıin kóshet taratylady.
– Aktsııaǵa qatysýshylar keıinnen kóshetterdi otyrǵyzǵany jóninde fotoesep tapsyrýǵa tıis. «Jasyl aýla» aktsııasy – Almatynyń ár turǵynyna qalany kógaldandyrýǵa úlesin qosýǵa jáne ony jasyl ári jaıly etýge múmkindik beretin erekshe joba, - dep habarlady basqarmadan.
Buǵan deıin Almatyda jasyl jelekterdi zııankesterge qarsy óńdeý jumystary bastalatyny týraly jazǵan edik.
Eske salaıyq, bıyl Almatyǵa 320 myń aǵash otyrǵyzylady.