Jasybaıdyń «Mahabbat aralyna» júzip barǵan 7 adam qaıta orala almaǵan

ASTANA. KAZINFORM — Oqys oqıǵa Pavlodar oblysyna qarasty Baıanaýyl aýdanyndaǵy Jasybaı kólinde boldy, dep habarlaıdy oblystyq TJD baspasóz qyzmeti.

Vedomstvo málimetinshe, qutqarylǵandardyń arasynda úsh bala bar.

— Pavlodar oblysy Baıanaýyl aýdanyndaǵy Jasybaı kólinde TJM Jedel-qutqarý jasaǵynyń qutqarýshylary qaıyq pen katamaranmen «Mahabbat aralyna» júzip barǵan 7 adamdy, onyń ishinde 3 balany qutqardy. Aýa raıynyń kúrt nasharlaýyna baılanysty — qatty jańbyr men daýyldy jel kezinde — demalýshylar jaǵalaýǵa ózdiginen qaıta orala almady. Qutqarýshylardyń úılesimdi jáne jedel áreketteriniń arqasynda barlyq azamat qaýipsiz jerge jetkizildi. Medıtsınalyq kómek qajet bolmady, — delingen habarlamada.

TJM sý aıdyndarynda demalǵanda qaýipsizdik erejelerin saqtap, aýa raıy boljamyn aldyn ala bilip barýdyń qajettigin eske salady.

Buǵan deıin Pavlodar oblysynda daýyldan bir adam qaza taýyp, ondaǵan nysan zaqymdanǵany anyqtaldy.