«Jasybaıdaǵy» burynǵy prezıdenttik rezıdentsııa memleket menshigine qaıtaryldy

PAVLODAR. KAZINFORM — Buryn elıtalyq prezıdent rezıdentsııasy bolǵan Pavlodar oblysyndaǵy «Janbaqy-Arnasy» (qazirgi «Jasybai Resort» demalys orny) memleket menshigine qaıtaryldy.

Bul týraly Sybaılas jemqorlyqqa qarsy is-qımyl agenttiginiń Pavlodar oblysy boıynsha departamenti basshysynyń birinshi orynbasary Áset Ospanov habarlady. 

— Buryn elıtalyq rezıdentsııa bolǵan «Jasybai Resort» demalys orny memleket menshigine qaıtaryldy. Erekshe qorǵalatyn tabıǵı aýmaqta ornalasqan elıtalyq demalys úıi jekeshelendirýge jatpaıdy. Alaıda basynda bir jaýapkershiligi shekteýli seriktestik bul demalys úıiniń ıesi bolǵan. Keıin ony basqa JShS ıelengen. Pavlodar oblysy ákimdiginiń qaýlysymen «Jasybai Resort» demalys úıi Baıanaýyl aýdany ákimdiginiń balansyna berildi, — deıdi Áset Ospanov.

Jasybaı kóliniń jaǵasyndaǵy burynǵy prezıdent rezıdentsııasy jekeshelendirýge jatpaıdy. Sot burynǵy satyp alý-satý shartyn jáne múlikti jarǵylyq kapıtalǵa qabyldaý-tapsyrý aktisin jaramsyz dep tanyǵan.

Eske sala keteıik, Antıkor sońǵy bes jylda Ertis ormanynyń 2 myń tekshe metri otalyp ketkenin anyqtady.

Foto: myna jerden alýǵa bolady