Jasáskerıler birlestikteri daıyndaǵan azamattardy áskerı-patrıottyqqa tárbıeleý tujyrymdamasynyń jobasy tanystyryldy
ASTANA. 27 shilde. QazAqparat - Búgin elordada elimizdiń áskerı basqarý jáne qylmystyq qýdalaý organdarynyń Úılestirý keńesi janyndaǵy Jasáskerıler birlestikteri respýblıkalyq shtabynyń kezekti májilisi bolyp ótti, dep habarlady QR Bas áskerı prokýratýrasynyń baspasóz qyzmeti.
Kún tártibi boıynsha Jasáskerıler birlestikteri respýblıkalyq shtaby quramyna engizilgen ózgertýler men tolyqtyrýlar qarastyrylyp, onyń 2012 jylǵa jumys jospary pysyqtaldy. Úılestirý keńesiniń birqatar sheshimderin júzege asyrý boıynsha jekelegen máseleler talqylandy.
Májilis barysynda Jasáskerıler birlestikteri respýblıkalyq shtaby daıyndaǵan azamattardy áskerı-patrıottyq tárbıeleý tujyrymdamasy jobasynyń tusaýkeseri ótkizildi.
«Nur Otan» Halyqtyq demokratııalyq partııasy Saıası keńesiniń múshesi Sháripbaı Ótegenov tujyrymdama jobasyna oń baǵa bere otyryp, bul qujattyń jalpy áskerı-patrıottyq tárbıe berý júıesiniń odan ári damýynyń barlyq aspektilerin qamtıtyndyǵyn atap ótti.
Qoǵamda rýhanı qaýipsizdikti qalyptastyrýdyń mańyzdylyǵyn eskere kele, májiliske qatysýshylarǵa elimizdegi Ideologııalyq jumystyń memlekettik baǵdarlamasyn ýákiletti organnyń ázirleýi týraly Jasáskerıler birlestikteri respýblıkalyq shtabynyń bastamasyna qoldaý kórsetý usynyldy.
Májilis jumysynyń sońynda Jasáskerıler birlestikteri respýblıkalyq shtabynyń tóraǵasy Nurjan Nurahmetov «Qazaqstannyń Skaýttyq Qozǵalysy Uıymy» qoǵamdyq birlestigimen jastardy áskerı-patrıottyq tárbıeleý salasynda yntymaqtastyq pen ózara túsinýshilik týraly kelisimge qol qoıdy.
