Jasandy júrek salynǵan jandar: Arnaıy sómkeni únemi ustap júremiz
Petropavl qalasynyń týmasy - Alekseı Chabannyń júrek aýrýy qatty ýshyǵyp ketken. Júrektiń sol jaq qarynshasymen birge oń jaq qarynshasy da durys istemedi. Jaǵdaıy óte aýyr boldy. Al donorlyq júrek joq. Sol sebepti oǵan jasandy júrek salýǵa sheshim qabyldandy.
"Qazir men sportpen aınalysamyn, aptasyna úsh ret gantel kóteremin. Endi, dárigerler bolmaıdy dedi. Biraq dál sol sportty tastaı almadym. Bir qyzym bar. Jasy - 12-de. Qudaıǵa shúkir, onyń júregi aýyrmaıdy. Soǵan qatty qýanamyn. Dárigerler bolsa, maǵan taǵy bir múmkindik berdi. Aldaǵy ýaqytta donor tabylsa, kádimgideı adam uqsap ómir súrýge bolady", - deıdi 36 jastaǵy A.Chaban.
Jasandy júrek - "Carmat SA" atty frantsýz kompanııasynyń ónimi. Ol arnaıy apparatqa jalǵanyp turady. Onda akkýmýlıator battareıalary jáne basqa datchıkter bar. Sómkeniń salmaǵy - 3 keli. Adam ony únemi ózimen birge ustap júredi. Qýaty taýsylǵanda zarıadtap otyrady. Al datchıkter qan qysymyn baqylaıdy. A.Chaban suxbat berip jatqanda jasandy júregi bar ekinshi patsıent - Amanǵalı Tokovtyń apparaty shıqyldaı bastady. Sebebi ol suxbat beremin dep turǵanda qatty qobaljyǵan. Sodan dárigerler ony palataǵa jatqyzyp, qan qysymyn túsirip aldy.
"Meniń jasym 54-te. Aqtóbe oblysynan keldim. Operatsııany eki aı buryn jasady. Qazir jaǵdaıym jaqsy. Buǵan deıin júregim aýyrdy. Qazir myna sómkeni ózimen birge ustap júremin. Qan qysymy kóterilse, júrekke salmaq tússe, sıgnal berip turady", - dedi A.Tokov.
Qazirgi kezde Alekseı men Amanǵalıdi úıge jiberýge daıyndap jatyr. Ol úshin jergilikti dárigerler jasandy júrekti baqylaýdy bilýi tıis. Osyǵan oraı, arnaıy sharalar atqarylýda.
Ortalyq basshysy ıÝrııa Pıanyń aıtýynsha, álem boıynsha "Carmat SA" úlisindegi tolyǵymen jasandy júrekti on adamǵa salǵan. Sonyń úsheýi - Qazaqstan azamattary. Jasandy júrektiń ishinde bıologııalyq materıal da bar. Ony salǵannan keıin qan ótetin jerde kádimgideı júrektiń ishki qabaty qalyptasady. Jasandy júrekpen 7 jyldaı júrýge bolady.
Aıta keteıik, ótken jyly qarasha aıynda Ulttyq ǵylymı kardıoxırýrgııa ortalyǵy 60 jastaǵy er adamǵa jasandy júrek ımplantantsııasyn alǵash ret jasaǵan bolatyn. "Carmat SA" atty jasandy júrektiń qazirgi baǵasy - 1 mln eýro. Memleket te, ortalyq ta oǵan aqsha jumsaǵan joq. Frantsýz kompanııasy óz apparatyn synaqtan ótkizip jatyr. Sol sebepti bárin tegin berdi. Sol kezde ortalyq basshylyǵy jasandy júrek ıesi - Qunanbaı Abyraevpen kezdesýge ruqsat berdi. Aǵamyz qýanyshyn jasyra almaı, kóz jasyna da erik berdi. "Men qatty aýyrdym. Myna jaqqa kelgende júre almadym, arbaǵa otyrǵyzyp ákeldi. Sol endi...Qazir bári durys...Ózimdi jaqsy sezinemin. ıÝrıı Pıa meniń ekinshi ákem sııaqty. Ortalyq basshylyǵyna myń alǵys...60 jastan keıin ózimdi osylaı sezinemin dep oılaǵan joqpyn", - dedi Qunanbaı aǵa. Osy kezde jasandy júrek shıqyldaı bastady. Dárigerler oǵan kóp qobaljýǵa bolmaıtynyn aıtyp, patsıentti palatasyna alyp ketti. https://kaz.inform.kz/news/kazakstanda-algash-ret-adamga-zhasandy-zhurek-salyndy_a3093878
Búgin Ulttyq ǵylymı kardıoxırýrgııa ortalyǵynyń mamandary Qunanbaı Abyraevke donorlyq júrektiń salynǵanyn jarııalady. Ondaı operatsııa álem boıynsha alǵash ret jasalyp otyr. Oǵan aldymen jasandy júrek salyndy, artynan ony donorlyq júrekpen aýystyrdy.