Jasandy mórmen shekara aspaq bolǵandar ustaldy

ASTANA. QazAqparat - Ótken táýlik ishinde qazaqstandyq shekarashylar jasandy mór qoldanyp, shekara asýǵa tyrysqan sheteldik 3 azamatty ustady, dep habarlady QR UQK baspasóz qyzmetinen.

Naqtyraq aıtqanda, elimizdiń ońtústigindegi qazaq-ózbek shekarasynda ornalasqan «Jibek joly avto» baqylaý-ótkizý beketiniń shekarashylary osy jyldyń 3-shi jeltoqsany kúni saǵat 12 shamasynda Qazaqstan Respýblıkasynan Ózbekstanǵa ketip bara jatqan 2 azamatty ustady. Jekenbaev O. (1989 jyly týǵan) jáne Mýratov D., (1991 jyly týǵan ), degen ózbek azamattarynyń qujattaryn tekserý kezinde olardyń Almaty qalalyq kóshi-qon polıtsııasynyń jasandy mórin basyp alǵandyǵy anyqtaldy. Osy kúni saǵat 16 shamasynda «Qazyǵurt avto» baqylaý-ótkizý beketinde de (qazaq-ózbek shekarasy) osyndaı jaǵdaı qaıtalandy. Munda shekara baqylaýshylary 1985 jyly týylǵan Qabaev S. degen Ózbekstan azamatyn ustady. Qazaqstannan Ózbekstanǵa ketip bara jatqan azamattyń qujatyna Taraz qalalyq kóshi-qon polıtsııasynyń jasandy móri basylǵandyǵy anyqtaldy. Ustalǵandardyń barlyǵy QR QK 385-baby boıynsha jaýap beretin bolady (qujattardy, shtamptardy, blankterdi, poshta tóleminiń memlekettik belgilerin, memlekettik nagradalardy qoldan jasaý, daıyndaý jáne satý).