Jasandy ıntellekt pilderdi joıylýdan qutqarady
NUR-SULTAN. QazAqparat – Afrıka pilderin joıylýdan qutqarý úshin jasandy ıntellekt iske qosylady. Ulybrıtanııa jáne Nıderlandy elderiniń zertteýshiler toby janýarlar men jaıylym izdeýdiń arnaıy algorıtmin qurdy, dep habarlaıdy QazAqparat Euronews-ke silteme jasap.
Arnaıy baǵdarlama jergilikti jerdiń spýtnıkten túsirilgen sýretterdi taldap, pilderdiń tirshiligi úshin eń qolaıly aýmaqtardy anyqtaıdy. Budan basqa, ol janýarlardy sanaýǵa kómektesedi. Úlken aýmaqtardyń sýretteri qysqa ýaqyt aralyǵynda jasalatyndyqtan, bul janýarlardy eki ret sanaý qaýpin azaıtady. Budan basqa, bul tehnologııa adamdardy qaýipten aman saqtap, janýarlardy kóp mazalamaýǵa múmkindik berip otyr, dep baıandady algorıtmdi qurýshylar.
Bata ýnıversıtetiniń qyzmetkeri Olga Isýpovanyń aıtýynsha, jańa ádis zańsyz ań aýlaýdy qadaǵalaýǵa kómektesýi tıis.
«Janýarlar esebi – tabıǵatty qorǵaý problemalary, sonyń ishinde brakonerlikpen kúres júrgizýdiń ádisteriniń mańyzdy quramdasy. Qazirgi kezde biz brakoner oqıǵalaryn tirkeý úshin óltirilgen janýarlardyń qaldyqtaryn anyqtaý sııaqty qosymsha múmkindikterdi zerttep otyrmyz, biraq bul joba áli bastapqy kezeńde tur», - dedi ol.
