Jasandy dárilerdiń ishinde Vıagra kósh bastap tur - L. Pak
ALMATY. 28 sáýir. QazAqparat /Ádilet Musahaev/ - Dúnıe júzi elderindegideı Qazaqstanda da jasandy dárilerdiń ishinde Vıagranyń taraý úlesi basym bolyp tur.
Bul jaıynda búgin QR Densaýlyq saqtaý mınıstrliginiń Medıtsınalyq jáne farmatsevtıkalyq qyzmetti baqylaý komıteti tóraǵasynyń orynbasary Larısa Pak arnaıy ótken baspasóz máslıhaty kezinde aıtty.
«Vıagranyń alǵashqy orynda turýy oǵan degen suranystyń kóptigin kórsetedi. Qazir jasandy ónim óndirýshiler kózben aıyrýǵa qıynǵa túsetin ónimderdi shyǵarýǵa daǵdylanǵan. Naryqqa kirý tásilderi, jasyryn jetkizý, qoımalarynyń bolýy olardy quryqtaýǵa qıyndyq týdyrýda», -deıdi L. Pak.
Sonymen qatar ol kedendik qyzmet nemese polıtsııa organdarynyń kúsh salysýlary jetkiliksiz ekendigin aıtady. "Sebebi olar densaýlyq saqtaý jáne emdik dári-dármekter sapasyn baqylaý salasynda sarapshy emes, sondyqtan bul máselege qarsy birlesip kúresý tıimdi", -deıdi L. Pak.
Jalpy 2003 jyldan beri 90-nan asa jasandy dári-dármekti tárkileý fakty tirkelgen.
