Jasandy araldaǵy Londonnyń jańa áýejaıynyń dızaıny usynyldy
ASTANA. 18 qarasha. QazAqparat - Temza ózeninde jasandy aral salynyp, oǵan jańa áýejaı ornalasatyn bolady, dep habarlady www.infuture.ru.
Keıde tabystyń sońynan problemalar da ilesip júretini belgili. London áýejaılary jolaýshylar naryǵynyń basym bóligin ózine qaratqanymen, olardyń shamadan tys júktemelerdiń paıda bolýy, ushyrý-qondyrý jolaqtarynyń jetispeýi sııaqty máseleler týyndady. Ótken aptada Testrad konsoortsıýmy bul problemany ońtaıly sheshýdiń jolyn usyndy. Onda Temza ózeniniń saǵasynda jasandy aral salyp, onda astanany qamtamasyz etetin úlken áýejaı (London Britannia Airport) turǵyzý ózdelgen, ol qazirgi Hıtroý áýejaıyn almastyratyn bolady.
Jobaǵa sáıkes London Britannia Airport-ta alty ushyrý-qondyrý jolaqtary, jergilikti jáne halyqaralyq jeliler úshin parom termınaly, temirjol tarmaǵy bolmaq. Áýejaıdyń ishinde kópfýnktsıonaldi termınal men konferents-zaldar, murajaı jáne dúkender kózdelgen.
London Britannia Airport Eýropamen, bıtrıtandyq aımaqtar qalalarymen jáne Londonnyń ózimen jaqsy baılanysty qamtamasyz etedi. Sondaı-aq munda 200 000 jumys orny ashylady, bul shyǵys Londonnyń ekonomıkalyq ósimine eleýli áser etedi.
Qurylys jeti jylǵa sozylmaq, jáne 47 mlrd. fýnt sterlıngke (75 mlrd.dollar) túsedi. Joba avtorlary áýejaıdyń ornalasýy, ondaǵy ushaqtardyń shýyly London turǵyndaryna kedergi keltirmeıdi degen senimde. Sonymen qatar qorshaǵan ortany qorǵaýǵa da aıryqsha mán beriledi.
Al Hıtroý bolsa, jabylyp, munda 300 myń adamǵa arnalǵan turǵyn úıler alaby salynbaq, zamanaýı ónerkásip keshenderi boı kótermek.
