Jasandy ıntellekt: Qazaqstan Google jáne Amazon Web Services-pen yntymaqtastyqty kúsheıtpek

Tsıfrlyq damý, ınnovatsııalar jáne aeroǵarysh ónerkásibi mınıstrligi jasandy ıntellekt salasynda sheteldiń iri kompanııalarmen yntymaqtastyq josparyn jdarııalady, dep habarlaıdy Kazinform.

«2023 jyldyń qarasha aıynda Almatyda «Ulttyq aqparattyq tehnologııalar» AQ basshylyǵy men AWS (Amazon Web Services) eýropalyq bólimshesiniń basshylyǵy kezdesti. Onda odan ári yntymaqtastyq jáne Outposts sheshimi aıasynda kelisim jasaý nıeti aıtyldy. Sonymen qatar, mınıstrlik Google jáne basqa da halyqaralyq kompanııalarmen yntymaqtastyq týraly belsendi kelissózderdi jalǵastyryp jatyr», - deligen Tsıfrlyq damý mınıstrliginiń Kazinform agenttigine bergen jaýabynda.

Munymen qosa, qazir derekter trafıginiń tranzıtine qyzmet kórsetý boıynsha elimizdegi servıstik saladaǵy qajet is-sharalar jáne áleýetin zertteý iske asyrylyp jatyr.

Bıyldyń sońyna qaraı osy zertteýlerdiń nátıjeleri derekterdi óńdeý ortalyqtarynyń negizgi kórsetkishterin, ıaǵnı esepteý qýatynyń bólingen kólemderin, baılanys arnalary men energııamen jabdyqtaýǵa qoıylatyn talaptardy, qajet etetin qarjat pen adam resýrstaryn jáne basqa da parametrlerdi anyqtaýǵa jol ashady.

Óńirdegi elderdiń jáne tutastaı alǵanda halyqaralyq naryqtyń suranysyn eskere otyryp, zertteý nátıjeleri boıynsha jobalar, sonyń ishinde derekterdi óńdeý ortalyqtary negizinde júzege asyrylatyn jasandy ıntellekt jobalary aıqyndalady. Jalpy, ozyq tehnologııalardyń bir bóligi retinde jasandy ıntellektti engizý ekonomıka sektorlarynyń ónimdiligin, shaǵyn jáne orta bıznes úshin jańa tehnologııalardyń keńinen taralýyn, memlekettik basqarýdyń tıimdiligin arttyrýǵa múmkindik beredi, sondaı-aq elimizdiń odan ári damýynda basqa da artyqshylyqty qamtamasyz etedi.