Jasandy ıntellektiniń qaı salalarda yqpaly joǵary — Madııar Aldııarov pikiri

ASTANA. KAZINFORM — «Eńbek resýrstaryn damytý ortalyǵy» AQ Áleýmettik-eńbek salasyn taldaý jáne zertteý departamentiniń bas sarapshysy Madııar Aldııarov jasandy ıntellektiniń yqpaly joǵary salalardy atady.

— Salalardy ekonomıkalyq qyzmet dep qarastyrsaq, onda jasandy ıntellekt yqpalyn tıgizetin salalar birkelki emes. Qazirgi kezde generatıvti jasandy ıntellekt mýltımodaldyq modelderdiń arqasynda kúndelikti ómirdegi jumysta paıdalanatyn qyzmetterdi almastyryp jatyr. Biraq, salalyq turǵyda qaraıtyn bolsaq, árıne bul jerde 2 faktor bar, — dedi ol BIZDIÑ ORTA podkastynda.

Onyń aıtýynsha, birinshi faktor mekemelerdiń jasandy ıntellektini jumysyna engizýge daıyndyǵynyń baryna ne joqtyǵyna baılanysty. Al ekinshisi — qarjylyq másele.

— Ekonomıkada jumys ónimdiligi óte tómen, qol eńbegi óte joǵary salalar bar. Ol jerde jasandy ıntellekt róli tómen bolady. Aldaǵy orta jáne uzaq merzimde de tómen bolý múmkin. ıAǵnı, jasandy ıntellektige negizdelgen ınnovatsııalardy engizý quny qarapaıym adamnyń qol eńbegine tólenetin qunnan joǵary saqtalady. Al memlekettik qyzmet, aqparat jáne baılanys, qarjy, ІT salalarynda jasandy ıntellekt yqpaly óte joǵary. Sebebi jasandy ıntellekt jasaıtyn qyzmetterdiń basym bóligi negizinen osy salalarda shoǵyrlanǵan, — dedi Madııar Aldııarov.

Aıta keteıik, Jasandy ıntellekt mınıstrligi jańa logotıpin tanystyrdy.