Jasandy ıntellektiniń damýy aıasynda tsıfrlyq sózdik qoryna erekshe mán berilmek
ASTANA. KAZINFORM — Parlament Májilisiniń qaraýyna «Mádenıet týraly» Zańyna tolyqtyrýlar engizý týraly» zań jobasy kelip tústi.
«Zań jobasy depýtattardyń bastamasymen ázirlendi. Qujat barlyq saraptamadan ótti, Úkimettiń qorytyndysy da bar. Zań jobasynyń maqsaty – jasandy ıntellektiniń damýyna baılanysty tildiń tsıfrlyq ulttyq sózdik qoryn jasaý. LLM sııaqty, ıaǵnı aýqymdy tildik modelinde qalyptastyrýǵa baǵyttalyp otyr. Májilistiń Áleýmettik-mádenı damý komıteti zań jobasy boıynsha qorytyndy ázirleýge daıyn», - dedi depýtat Ashat Aımaǵambetov Májilistiń jalpy otyrysynda.
Aıta keteıik, jaqynda QR Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Rostıslav Konıashkın eńbek naryǵyna jasandy ıntellekt áser etip jatqanyn aıtty.
Memleket basshysy Qasym-Jomart Toqaev «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Joldaýynda Astanada Jasandy ıntellekt ulttyq ortalyǵyn iske qosýdy tapsyrdy.
