Jasandy ıntellektiniń damýy adamzat úshin birqatar qater tóndiredi – ShYU ókili

ALMATY. KAZINFORM – Shanhaı yntymaqtastyq uıymynyń keńistiginde tsıfrlandyrý protsesi belsendi túrde damyp keledi. Bul týraly «Digital Almaty: H ındýstrııasy – bolashaqtyń tsıfrlyq evolıýtsııasy» atty tsıfrlyq forýmda Shanhaı yntymaqtastyq uıymy Bas hatshysynyń orynbasary Grıgorıı Logvınov aıtty.

«Atap aıtqanda, 18 jyl ishinde aıtarlyqtaı nátıjelerge qol jetkizildi. Mysaly, ShYU elderi arasynda tsıfrlyq alshaqtyqty qysqartý, aqparattyq-kommýnıkatsııalyq tehnologııanyń ınfraqurylymyn uıymdastyrý boıynsha tájirıbe almasý, keńes ótkizý, BUU alańynda dostyq qarym-qatysnasta ortaq erejelerdi shyǵarý. Bul rette Qazaqstannyń tsıfrlyq transformatsııa protsesi aıtarlyqtaı nátıje kórsetip otyr. Aıta keteıin, bul salada ózara yqpaldastyqty arttyrý ShYU elderiniń joǵary basshylarynyń nazarynan tys qalǵan emes jáne qalmaıdy», - dedi Grıgorıı Logvınov.

Onyń aıtýynsha, búginde álemniń 130-dan astam memleketinde kıber soǵys baǵdarlamasy damyp keledi.

«Aıtý kerek, halyqaralyq narkobarondar, zańsyz qarý men qul satýshylar, terrorlyq, separatıstik qurylymdarǵa lańkesterdi daıyndaýshylar búginde ozyq aqparattyq-kommýnıkatsııalyq tehnologııalar meńgergen. Jasandy ıntellektiniń damýynda da, atap aıtqanda, suranysqa ıe mamandyqtardyń nomenklatýrasyn qaıta formattaý, sot júıesi, jalpy adam sanasyna qatysty birqatar qaterler jasyrynǵan. Jalpy, qazirgi ýaqytta halyqaralyq qoǵamdastyqtyń aqparattyq-kommýnıkatsııalyq tehnologııasy uzaq ári qıyn joldyń basynda tur dese bolady. Bul rette búgingi ótip jatqan forým mańyzdy sheshim shyǵarady dep oılaımyn», - dedi ShYU Bas hatshysynyń orynbasary Grıgorıı Logvınov.

Eske salaıyq, Almatyda «Digital Almaty: H ındýstrııasy – bolashaqtyń tsıfrlyq evolıýtsııasy» atty tsıfrlyq forýmy ótip jatyr.