Jasandy ıntellektini paıdalanyp, asa qaýipti qarý jasaıtyndar paıda boldy

ASTANA. KAZINFORM — Jahandyq destrýktıvti kúshter ulttyq mádenıetter men dástúrlerdiń irgesin shaıqap otyr. Bul týraly Memleket basshysy Qasym-Jomart Toqaev Qazaqstan halqyna Joldaýynda aıtty.

— Halyqaralyq quqyqtyń mán-mańyzy kete bastady. Al BUU óziniń róli jáne mártebesine saı qazirgi basty túıtkilderdi sheshýge qaýqarsyz bolýda. Ekologııalyq jáne tehnologendik apattardyń kesirinen túrli elderdiń ekonomıkasy orasan shyǵynǵa batýda. Batystaǵy etnosaralyq, dinaralyq úılesimmen mádenıáralýandyq tujyrymdamasy daǵdarysqa ushyrady. Jahandyq destrýktıvti kúshter ulttyq mádenıetter men dástúrlerdiń irgesin shaıqaýda. Bosqyndardyń sany kóbeıip, kóshi-daǵdarysy týyndady. Adam saýdasy, qarý-jaraq pen esirtki saýdasy órship tur. Buryn-sońdy bolmaǵan múlde jańa syn-qaterler kúlli adamzattyń qaýipsizdigine nuqsan keltirýde. Tipti, jasandy ıntellektini paıdalanyp, asa qaýipti qarý jasaıtyndar paıda boldy, — dedi Qasym-Jomart Toqaev. 

Memleket basshysy geosaıası ahýaldyń túbirimen ózgere bastaǵanyn ańǵartatyn basqa da faktorlar az emestigin basa aıtty.

— Qysqasha aıtsaq, álemde jańa geosaıası tártip ornyǵa bastady. Qazaqstan álem qaýymdastyǵynyń ajyramas bóligi. Memleketimiz Eýrazııa qurylǵynyń dál ortasynda ornalasqan. Qazirgi zaman bulyńǵyr, turaqsyz bolsa da biz bárimiz jappaı tsıfrlandyrý jáne jasandy ıntellekt dáýirine qadam bastyq. Meniń negizgi maqsatym osyndaı túrli qaterge toly kezeńde elimizdiń turaqty áleýmettik-ekonomıkalyq damýyn jáne qaýipsizdigin qamtamasyz etý, — dedi Prezıdent.

Aıta keteıik, Joldaýdyń onlaın translıatsııasy Jibek Joly efırinde, sondaı-aq telearnanyń YouTube arnasynda júrip jatyr.

Kazinform saıty tikeleı efırmen qatar, jazbasha translıatsııa da jasaıdy.

Sondaı-aq Joldaý mátinin agenttiktiń telegram arnasynan oqýǵa bolady.