Jasandy ıntellektini mektepterge engizý qalaı iske asyp jatyr
ASTANA. KAZINFORM – Jasandy ıntellekt baǵyty mektepterde qashan tolyq engiziledi? Bul suraqqa Oqý-aǵartý mınıstrligi jaýap berdi.
- Jasandy ıntellekt mektepterde jeke pán retinde emes, ıaǵnı qoldanystaǵy tsıfrlyq baǵyttaǵy pánderdiń mazmunyna engiziledi. Osy maqsatta «Tsıfrlyq saýattylyq» jáne «Informatıka» pánderiniń ataýy ózgertilip, olardyń mazmuny jasandy ıntellekt komponentterimen tolyqtyryldy. 2026 jylǵy 12 mamyrda Memleket basshysynyń orta bilim berý júıesine jasandy ıntellektini engizý jónindegi Jarlyǵy qabyldandy. Ony iske asyrý úshin 2026–2029 jyldarǵa arnalǵan keshendi jospar ázirlendi, - delingen mınıstrliktiń Kazinform agenttigine bergen jaýabynda.
Bul turǵyda 2026 jylǵy 1 qyrkúıekten bastap Pavlodar jáne Qyzylorda oblystaryndaǵy 10 shaǵyn jınaqty mektepte jasandy ıntellekt tehnologııalaryn paıdalaný boıynsha pılottyq joba bastalady. Pılottyq kezeńde joba 500 shaǵyn jınaqty mektepti qamtyp, 2029 jylǵa qaraı barlyq 2 600 shaǵyn jınaqty mektepke taratylady.
- Jasandy ıntellektini bilim berý protsesine engizý 2026–2029 jyldary kezeń-kezeńimen júzege asyrylady, - dep naqtylady vedomstvo.
Buǵan deıin habarlanǵandaı, bıyl kóktemde Memleket basshysy «Qazaqstan Respýblıkasynyń orta bilim berý júıesine jasandy ıntellektini endirý jónindegi sharalar týraly» Jarlyqqa qol qoıdy.
Aıta keteıik, bıyl jasandy ıntellekt ýnıversıteti stýdentterdi oqytýdy bastaıdy.
