Jasandy ıntellektini qylmystyq maqsatta paıdalanýǵa tosqaýyl qoıý kerek - depýtat

ASTANA. KAZINFORM – Búgin Quryltaıdyń jalpy otyrysynda depýtat Gúlishan Nahbaeva Jasandy ıntellekt jáne tsıfrlyq damý, Mádenıet jáne aqparat, Іshki ister mınıstrlikterine saýal joldap, jasandy ıntellekt tehnologııalaryn paıdalaný kezinde adamnyń beınesin, daýysyn jáne tsıfrlyq bolmysyn qorǵaýǵa qatysty máseleni kóterdi.

Gýlıshan Nahbaeva
Foto: Jibek Joly

- Búginde jasandy ıntellektiniń zamanaýı tehnologııalary adamnyń buryn-sońdy aıtpaǵan sózderin sóıletip, jasamaǵan áreketterin jasatyp, eshqashan bolmaǵan jerde júrgendeı etip kórsetetin foto, beıne jáne aýdıomaterıaldar jasaýǵa múmkindik beredi. Bul úshin joǵary kásibı daǵdylar men arnaıy quraldardyń bolýy mindetti emes. Ashyq qoljetimdi fotosýret nemese daýys jazbasy jetkilikti. Máseleniń taǵy bir qyry – jasandy ıntellektini qylmystyq maqsatta paıdalaný. Áńgime dıpfeıkter týraly bolyp otyr. Osyndaı beınerolıkterdiń biri jýyrda 240 myńnan astam qaralym jınaǵan. Adamnyń kelisiminsiz ıntımdik sıpattaǵy beıneler men beınejazbalardy jasaý erekshe qaýip tóndiredi. Tipti tolyǵymen jasandy materıaldyń ózi adamnyń bedeline naqty zııan keltirýi múmkin. Bul rette áıelder men kámeletke tolmaǵandar asa osal topqa jatady, - dedi Gúlishan Nahbaeva.

Onyń aıtýynsha, búginde osy quqyqtyq kepildikterdi is júzinde iske asyrý aıryqsha mańyzǵa ıe. Óziniń beınesi nemese daýysy zańsyz paıdalanylǵan azamat qaıda júginý kerektigin, zańsyz materıaldy qalaı joıýǵa bolatynyn jáne kináli tulǵalardy jaýapkershilikke qalaı tartýǵa bolatynyn naqty bilýi tıis. Bul rette ýaqytyly ári tıimdi sharalar qabyldaý erekshe mańyzdy. Tsıfrlyq ortada aqparattyń taralý jyldamdyǵy dástúrli aqparat taratý arnalarymen salystyrǵanda myńdaǵan ese joǵary.

- Sonymen birge jeke tulǵany qorǵaý men sóz bostandyǵy, jýrnalıstik, ǵylymı jáne kórkemdik qyzmet arasyndaǵy aqylǵa qonymdy tepe-teńdikti saqtaý mańyzdy. Alaıda adamnyń jarııa mártebesi onyń atynan jalǵan málimdemeler men áreketterdi shynaıy oqıǵa retinde taratýǵa negiz bolmaýy tıis. Osyǵan baılanysty adamnyń beınesin, daýysyn jáne tsıfrlyq kelbetin zańsyz paıdalaný jaǵdaılaryn qaraý kezinde qoldanystaǵy zańnamany birizdi qoldanýdy qamtamasyz etýdi suraımyz. Ekinshiden, quqyqqa qaıshy sıntetıkalyq kontentti jedel anyqtaý jáne onyń taralýyn toqtatý maqsatynda memlekettik organdardyń onlaın-platformalarmen, onyń ishinde sheteldik platformalarmen ózara is-qımylyn kúsheıtý mańyzdy, - dedi depýtat.

Sonymen qatar ol JI tehnologııalaryn paıdalana otyryp jasalatyn quqyq buzý derekterin anyqtaý jáne tergeý tıimdiligin arttyrýdy surady.

Buǵan deıin habarlanǵandaı, mektepterdegi beınebaqylaý júıesine jasandy ıntellektini engizý bastaldy.