Jasandy ıntellektini qaýipsiz qoldaný taqyrybynda tegin onlaın kýrs iske qosylady
ASTANA. KAZINFORM – Bıyl tamyzda «Jasandy ıntellektini qaýipsiz jáne tıimdi qoldaný» taqyrybyndaǵy tegin onlaın kýrs iske qosylady. Bul týraly Májilis depýtattarynyń saýalyna Premer-mınıstr Oljas Bektenovtiń jaýabynda aıtylǵan.
- Oqý-aǵartý mınıstrligi 2025 jyldyń tamyz aıynda oqýshylar, ata-analar jáne muǵalimder úshin «Jasandy ıntellektini qaýipsiz jáne tıimdi qoldaný» taqyrybyndaǵy tegin onlaın kýrsty iske qosýdy josparlap otyr. Joǵary oqý oryndarynda jasandy ıntellekt baǵytyndaǵy jańa bilim berý baǵdarlamalary ázirlenip, sheteldik ýnıversıtettermen birlesken jobalar júzege asyrylyp jatyr, - dedi Oljas Bektenov.
Sonymen qatar Premer-mınıstr Úkimet halyqaralyq tájirıbeni eskere jáne ulttyq erekshelikter men qundylyqtardy saqtaı otyryp, bilim berý júıesine jasandy ıntellekt tehnologııalaryn tıimdi ári qaýipsiz engizýdi jalǵastyratynyn aıtady.
Aıta keteıik, elimizde segiz sala boıynsha mamandar daıarlaý úshin JI qoldanatyn kásibı standart ázirlenip jatyr.
Sonymen qatar bilim berý júıesine jasandy ıntellekt quraldaryn engizýdiń ulttyq saıasaty ázirlenedi.