Jasandy ıntellekt jáne tsıfrlyq damý vıtse-mınıstri taǵaıyndaldy
ASTANA.KAZINFORM — Qazaqstan Respýblıkasy Úkimetiniń qaýlysymen Ǵızzat Seıdahmetuly Baıtursynov jasandy ıntellekt jáne tsıfrlyq damý vıtse-mınıstri qyzmetine taǵaıyndaldy. Bul týraly Úkimettiń baspasóz qyzmeti habarlady.
Ol 1994 jyly Shymkent qalasynda dúnıege kelgen. Malaızııanyń Azııa-Tynyq muhıty tehnologııalar jáne ınnovatsııalar ýnıversıtetin, D. A. Qonaev atyndaǵy Eýrazııa zań akademııasyn bitirgen.
2010–2019 jyldary — baǵdarlamashy, «El-Qondy» JShS-nyń Malaızııadaǵy ókili, «El-Qondy» JShS tehnıkalyq jabdyqtaý bóliminiń basshysy, memlekettik satyp alý bóliminiń bas mamany.
2019–2022 jyldary — QR Tsıfrlyq damý, ınnovatsııalar jáne aeroǵarysh ónerkásibi mınıstrligi Elektrondyq ónerkásipti damytý departamentiniń Elektrondyq ónerkásiptiń memlekettik saıasaty basqarmasy sarapshysynyń m. a., sarapshy, bas sarapshy, basqarma basshysy.
2022–2024 jyldary — QR Tsıfrlyq damý, ınnovatsııalar jáne aeroǵarysh ónerkásibi mınıstrligi Elektrondyq ónerkásipti damytý departamentiniń basqarma basshysy, dırektordyń orynbasary, dırektor.
2024–2026 jyldary — QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń Jasandy ıntellekt jáne ınnovatsııalardy damytý komıtetiniń tóraǵasy.
2026 jyldyń naýryz aıynan bastap qazirgi ýaqytqa deıin QR Jasandy ıntellekt jáne tsıfrlyq damý mınıstrliginiń Tsıfrlyq aktıvter jáne serpindi tehnologııalar komıtetiniń tóraǵasy qyzmetin atqardy.
Aıta ketelik Qazaqstan Respýblıkasy Úkimetiniń qaýlysymen Dmıtrıı Mýn Andreevıch Qazaqstan Respýblıkasynyń jasandy ıntellekt jáne tsıfrlyq damý vıtse-mınıstri qyzmetinen bosatyldy.
Aıta ketelik Ónerkásip jáne qurylys vıtse-mınıstri qyzmetinen bosatylǵan edi.
