Jasandy ıntellekt jáne tsıfrlyq damý mınıstri taǵaıyndaldy
ASTANA. KAZINFORM – Jaslan Mádıev Qazaqstan Respýblıkasy Premer-mınıstriniń orynbasary – Jasandy ıntellekt jáne tsıfrlyq damý mınıstri bolyp taǵaıyndaldy. Bul týraly Aqordanyń baspasóz qyzmeti habarlady.
- Memleket basshysynyń Jarlyǵymen Jaslan Hasenuly Mádıev Qazaqstan Respýblıkasy Premer-Mınıstriniń orynbasary – Jasandy ıntellekt jáne tsıfrlyq damý mınıstri bolyp taǵaıyndaldy, - delingen habarlamada.
Jaslan Mádıevtiń eńbek joly
London qalasyndaǵy «Morgan Stanley» Investıtsııalyq bankiniń baǵaly qaǵazdar jáne oblıgatsııalar saýdasy departamentiniń jetekshi treıderi (2007 j)
Ár jyldary QR Prezıdenti Ákimshiliginiń Strategııalyq ázirlemeler jáne taldaý ortalyǵynyń sarapshysy, «Samuryq-Qazyna» UÁQ» AQ Qazynashylyq departamentiniń dırektory, «Kazyna Capital Management» AQ jáne «Qazaqstannyń damý banki» AQ basqarma tóraǵasynyń orynbasary, QR Ulttyq banki dırektorynyń Monetarlyq operatsııalar jáne aktıvterdi basqarý jónindegi orynbasary jáne QR Premer-Mınıstriniń keńesshisi qyzmetterin atqardy. Sondaı-aq QR Ulttyq banki men «Qazaqstan temir joly» AQ qurylymynda basshylyq qyzmetter atqardy.
Strategııalyq josparlaý jáne reformalar agenttigi tóraǵasynyń orynbasary (2020-2022 jj)
QR Tsıfrlyq damý, ınnovatsııalar jáne aeroǵarysh ónerkásibiniń birinshi vıtse-mınıstri (2022j)
Binance Kazakhstan bas menedjeri (2022-2024 jj)
QR tsıfrlyq damý, ınnovatsııalar jáne aeroǵarysh ónerkásibi mınıstri (2024 jylǵy 6 mamyr)