Jasandy ıntellekt tehnologııasy adamzatqa qater tóndirýi múmkin – Memleket basshysy

Jasandy ıntellekt tehnologııasy adamzatqa qaýip-qater tóndirýi múmkin. Bul týraly Digital Bridge 2023 halyqaralyq tehnologııa forýmynda Memleket basshysy Qasym-Jomart Toqaev aıtty, dep habarlaıdy Kazinform.

«Taǵy bir mańyzdy máselege nazar aýdarǵan jón. Búginde adamnyń aqyl-oıynan mashına, ıaǵnı tehnologııa ústem bolatyn zaman ornyǵýda. Basqasha aıtqanda, jasandy ıntellekt tehnologııasy adamzatqa qaýip-qater tóndirýi múmkin. Munyń arty nege ákep soqtyratyny belgisiz. Ǵalymdar arasynda buǵan qatysty ortaq paıym joq. ıAǵnı, jasandy ıntellekt adamzatqa ıgilik ákele me álde qurdymǵa ketire me degen suraq áli de ózekti bolyp tur. Sondyqtan osy máselege sanaly túrde qarap, jasandy ıntellektiniń damýyn jiti nazarda ustaý — asa mańyzdy mindet», — dedi Prezıdent.

Osy oraıda Memleket basshysy mysal retinde kezinde atom energetıkasymen qatar atom qarýy paıda bolǵanyn aıtty.

«Sol kezde jahandyq qaýipsizdikti saqtaý úshin jańa qaǵıdattar qalyptasty. Bul — tehnologııalyq damý zamanynda ujymdyq qaýipsizdik máselesi baqylaýda bolýy kerek degen sóz», — dedi Qasym-Jomart Toqaev.