Jasandy ıntellekt tehnologııalaryn temirjolǵa da engizý kerek — Úkimet basshysy
ASTANA. KAZINFORM — Jasandy ıntellekt tehnologııalaryn temirjolǵa da engizý kerek. Bul týraly Úkimet otyrysynda Premer-mınıstr Oljas Bektenov aıtty.
— Memleket basshysynyń qatysýymen jýyrda Astanada sapaly taldaý jasap, aýqymdy derekterdi generatsııalaı alatyn sýperkompıýter klasteri iske qosyldy. Osy turǵyda jasandy ıntellekt tehnologııalary men perspektıvaly startaptardy ekonomıkanyń barlyq salasyna, sonyń ishinde temirjolǵa da engizý kerek. Mysaly, jasandy ıntellekt apattyq jaǵdaılardyń yqtımal qaýipterin jáne joldar men jyljymaly quramnyń tozýyn aldyn ala eseptep, osyndaı máselelerdi sheshýdiń túrli nusqalaryn pysyqtaı alady, — dedi Premer-mınıstr.
Úkimet basshysy temirjol salasyn tsıfrlandyrý kezinde IT-ınfraqurylymdy basqarýdyń jáne aqparattyq júıelerdiń ıntegratsııasyn júrgizýdiń tutas tásilin júzege asyrý qajettigin basa aıtty.
Sonymen qatar Oljas Bektenov temir jol jobalaryn ýaqytyly paıdalanýǵa berýdi tapsyrdy.