Jasandy ıntellekt sózińizdi 10 sekýnd tyńdap, dıabettiń bar-joǵyn anyqtaı alady – zertteý
Jańa medıtsınalyq zertteý jasandy ıntellekt naýqastyń sóılegenin alty-on sekýnd tyńdap 2-tıptegi dıabetti anyqtaı alatynyn kórsetti. Kazinform agenttigi bul týraly New York Post basylymyna silteme jasap habarlaıdy.
«Mayo Clinic Proceedings: Digital Health» jýrnalynda jarııalanǵan Klick Labs zertteýi boıynsha, jasandy ıntellekt qoıǵan dıagnoz dáldigi áıelderde – 89%, erlerde – 86% bolǵan.
«Bizdiń zertteý 2-tıptegi dıabetke shaldyqqan jáne dıabeti joq adamdardyń daýysynda aıtarlyqtaı aıyrmashylyq bolatynyn anyqtady, - dep atap ótti zertteý avtorlarynyń biri Djeısı Kaýfman.
Ol «endi dıabetti anyqtaý jeńildeı túsedi», dep tolyqtyrdy.
«Qazirgi dıabettiń bar-joǵyn anyqtaý tásilderi kóp ýaqyt, jol men shyǵyndy qajet etedi. Daýys tehnologııalary osy kedergilerdi tolyǵymen joıýǵa qabiletti», - dep atap ótti Kaýfman.
Zertteýshiler 2-tıptegi dıabetke shaldyqqan jáne saý 267 adamnan smartfondaryna eki apta ishinde kúnine alty ret sózin jazyp otyrýdy surady. 14-ten asa akýstıkalyq erekshelikti anyqtaý úshin 18 000 astam jazba taldandy. Ol dıabeti bar jáne joq adamdarda ártúrli bolǵan. Sondaı-aq qatysýshylar densaýlyǵy, jasy, boıy men salmaǵy syndy negizgi derekterdi usyndy.
Dybysty óńdeý tehnologııalary daýystyń adam qulaǵy qabyldaı almaıtyn belgili bir notalaryn bólip shyǵardy.
«Zertteý 2-tıptegi dıabet pen basqa da aýrýlardy anyqtaýda daýys tehnologııalary mańyzdy ekenin anyqtady», - dep málimdedi Klick Labs prezıdenti ári bas zertteýshi ıAn Fossat.
«Daýys tehnologııalary densaýlyq saqtaý júıesin túbegeıli ózgertip, tsıfrlyq skrınıngtiń qoljetimdi ári arzan quralyna aınalýy múmkin», - dep tolyqtyrdy ol.
Klick Labs zertteýshileri tájirıbeni qaıtalap, dybys tehnologııasyn adamnyń dıabet aldyndaǵy jaǵdaıyn, gıpertonııa jáne basqa da aýrýlaryn anyqtaý úshin paıdalaný múmkindigin keńeıtkisi keledi.
