Jasandy ıntellekt mınıstrligi Aitu messendjerine qatysty pikir bildirdi
ASTANA. KAZINFORM — Qazaqstan Respýblıkasynyń Jasandy ıntellekt jáne tsıfrlyq damý birinshi vıtse-mınıstri Rostıslav Konıashkın Aitu messendjeriniń damýyna qatysty pikir aıtty.
Onyń aıtýynsha, qazir Aitu ónimin qoldaný aıasynda aıyna 1 mln-nan astam belsendi paıdalanýshy qamtylyp otyr. Sonyń arasynda Aitu-daǵy messendjer men basqa da suranysy bar qyzmetter paıdalanylyp jatyr.
— Aitu ónimine toqtalsaq, ony Jasandy ıntellekt jáne tsıfrlyq damý damý mınıstrligi nemese qandaı da bir memlekettik kompanııa tikeleı ázirlemegen. Ony BTS Digital kompanııasy ázirledi. Árıne, osy ónimniń tıisti deńgeıde damýyna qatysty ózara baılanys jasaýǵa tyrysamyz», — dedi R. Konıashkın Úkimet otyrysynan keıin tilshiler suraǵyna jaýap bere otyryp.
Sonymen qatar ol elimizde basqa da messendjerlerge qatysty qandaı da bir shekteý jasalmaǵanyn eske saldy.
— Aitu platformasynda messendjerden basqa qosymsha múmkindikterdi usynylǵan, ıaǵnı jańalyqtar taspasy, mýzykalyq kontent jáne ózge de kontent qamtylǵan. Sondyqtan árkim óziniń tańdaýyna qaraı messendjerdi paıdalanady, — dedi vıtse-mınıstr.
Eske salsaq, bıyl aqpan aıynda Memleket basshysy Úkimet otandyq Aitu messendjerine tıisti deńgeıde kóńil bólmeı otyrǵanyn synǵa alǵan edi.
Atap aıtqanda, Qazaqstandyq tsıfrlyq naryqtaǵy messendjerler básekesi dástúrli sheteldik kóshbasshylardyń yqpalymen ǵana emes, sonymen birge jergilikti IT ónimderdiń damýy arqyly da erekshelenip jatyr. Solardyń biri — AITU messendjeri. Joba Qazaqstannyń tsıfrlyq egemendigin nyǵaıtýǵa jáne ishki naryqta jańa ekojúıe qalyptastyrýǵa baǵyttalǵan.
