Jasandy ıntellekt kómegimen jasalǵan týyndynyń avtory kim bolady — Zań jobasy

ASTANA. KAZINFORM — Jasandy ıntellektige negizdelgen algorıtm arqyly jasalǵan týyndynyń avtory kim bolady? Algorıtm arqyly tapsyrma berip, ony jasatqan adam ba, álde algorıtm ıesi me? Májilistiń jalpy otyrysynda zań jobasyn talqylaǵan depýtattar osy máselege alańdaýshylyq bildirdi.

Depýtat Erlan Stambekov bul máselege qazir búkil álem bas qatyryp otyrǵanyn aıta kelip, Qazaqstan qaı nusqany tańdaıtynyn surady.

Baıandamashy depýtat Ekaterına Smyshlıaeva zań jobasyn ázirleýshilerdiń bul máseledegi ustanymy áli tolyqtaı qalyptasyp úlgermegenin aıtty.

— Jasandy ıntellekt arqyly arnaıy algorıtm kómegimen jasalǵan týyndynyń avtory algorıtmge ıelik etýshi tulǵa bolady. Bul jaǵdaıda algorıtm ıesi týyndynyń avtory kim ekenin aıqyndaýǵa haqyly. Eger adam týyndyny qandaı bir chattyń modeli arqyly jasaýǵa búkil jan-tánin salǵan bolsa, álemde sony dáleldeý kerek deıtin talap bar. ıAǵnı, adamnyń týyndyny jasaýdaǵy úlesin ólsheý tásili qoldanylady. Adamnyń úlesi 50 paıyzdan assa, sol adam týyndy avtory bolyp esepteledi. Biraq bul ustanymdy ákimshilendirý óte kúrdeli bolatyn túri bar. Sondyqtan ázirge avtordy aıqyndaý quqyǵyn algorıtm ıesine qaldyryp otyrmyz. Al týyndyny ázirleýshi men algorıtm ıesiniń arasyndaǵy qatynastar azamattyq qatynasqa jatady, — dedi Májilis depýtaty.

Buǵan deıin Qazaqstanda qaı salaǵa jasandy ıntellekt belsendi engizilip jatqanyn jazǵan edik.