Jasandy ıntellekt: qıyn jaǵdaıdaǵy otbasyn qoldaý tetigi engiziledi

ASTANA. KAZINFORM – Eńbek jáne halyqty áleýmettik qorǵaý mınıstri Svetlana Jaqypova tıisti qoldaý is-sharalaryn naqty muqtaj otbasylarǵa baǵyttaýdyń jańa tetikteri týraly aıtty.

еңбек нарығы, жұмыспен қамту
Коллаж: Kazinform

- Qazirgi kezde áleýmettik bıýdjetti bólýdiń kategorııalyq júıesi óte tıimsiz ekenin kórip otyrmyz. Bul jaǵdaıda kómekti naqty muqtaj adamdarǵa berý kerek. Osy oraıda ataýly áleýmettik kómekke qatysty Memleket basshysy naqty tapsyrma bergen edi. Búginde tsıfrlyq sheshimderdi paıdalana otyryp, biz shynymen muqtaj adamdarǵa tólemderdi qamtamasyz ettik. Barlyǵyn qamtý úshin Otbasyn qoldaý ortalyqtarynyń kúshi men resýrstaryn paıdalanýdy josparlap otyrmyz, - dedi S. Jaqypova Senat janyndaǵy máslıhattarmen ózara is-qımyl jónindegi keńestiń keńeıtilgen otyrysynda.

Onyń aıtýynsha, elimiz boıynsha 104-ke jýyq osyndaı ortalyq qurylǵan. Bul máselelerdi Mádenıet mınıstrligi qadaǵalap jatyr. Biraq Eńbek mınıstrligi osy ortalyqtar úshin áleýmettik qyzmet kórsetýdiń ıntegratsııalanǵan modeliniń standartyn ázirledi. Bul model barlyq memlekettik organdardyń bir tsıfrlyq platformada tikeleı ózara is-qımylyn qamtıdy.

- Buryndary olar hat jazyp, qandaı da bir kómek suraýǵa ótinish berip júrgen. Endi qazir bir batyrmany basyp, otbasyna qandaı naqty qyzmet qajet ekendigi týraly aqparat alýǵa bolady. Osy qanatqaqty joba Shymkentte júzege asyrylyp jatyr. Onyń nátıjesi boıynsha jobany elimizdiń barlyq óńirinde iske qosamyz. Qıyn ómirlik jaǵdaıdaǵy otbasyn qoldaý úshin Tsıfrlyq damý mınıstrligimen birge tsıfrlyq kartada jasandy ıntellekt tetigin engizemiz. Bul óz kezeginde adamı faktorsyz otbasynyń qıyn ómirlik jaǵdaıdan shyǵýynyń jeke josparyn ázirleıdi, - dedi mınıstr.

Budan buryn habarlanǵandaı, búgin elordada Senat janyndaǵy máslıhattarmen ózara is-qımyl jónindegi keńestiń keńeıtilgen otyrysy ótti.

Svetlana Jaqypova tsıfrlandyrýdyń arqasynda qaǵaz júzinde negizsiz jazylǵan málimetter anyqtalyp jatqanyn aıtty.

 

Сейчас читают