Jasandy ıntellekt: bilim berý júıesin qaıta baǵdarlaý qajet bolady
ASTANA. KAZINFORM — Jasandy ıntellekt áser etetin salalarda biraz qyzmetkerdi qaıta oqytý kerek bolady. Bul týraly Májilis depýtaty Ekaterına Smyshlıaeva málim etti.
— Básekeles naryqtan birqatar mamandyq joıylsa, olardyń ornyna jasandy ınllekt quratyn jańa kásipter keletinin túsinip otyrmyz. Alaıda, osy jańa jumys oryndaryna múldem jańa quzyretter men mashyqtar talap etiledi. Dúnıejúzilik ekonomıkalyq forýmnyń halyqaralyq zertteýlerine qaraǵanda, osy transformatsııa bolatyn salalarda 2030 jylǵa deıin qyzmetkerlerdiń jartysynan astamyn qaıta oqytý kerek, — dedi Ekaterına Smyshlıaeva Parlamet Májilisinde tilshiler suraǵyna jaýap bere otyryp.
Onyń aıtýynsha, qazirden bastap bilim berý júıesin qaıta baǵdarlaý mańyzdy. Sonymen qatar, jasandy ıntellekt aıasynda jumys berýshiler de ózderiniń qyzmetinde tıisti ózgerister engizýge májbúr bolady.
— Atap aıtqanda, quqyq qorǵaý uıymdarynda jumys kóbeıedi. ıAǵnı, eńbek qatynastary salasynda adam quqyqtaryn buzýǵa jol bermeý kerek bolady, — dedi depýtat.
Budan buryn habarlanǵandaı, búgin Parlament Májilisinde «Jasandy ıntellekt týraly» zań jobasy men ilespe qujat tanystyryldy.