Jasandy ıntellekt «álemdegi úzdik átirdi» jasap shyqty

ASTANA. KAZINFORM — Innopolıs ýnıversıtetiniń stýdentteri 40 myńnan astam hosh ıis úılesimi men qoldanýshy pikirlerin saraptaı otyryp, parfıým jasaıtyn neırojúıe oılap tapty. Olardyń aıtýynsha, jasandy ıntellekt jasaǵan bul ıis adamdardyń kópshiliginde emotsıonaldyq áser týdyratyn ámbebap hosh ıis bola alady, dep jazdy AZƏRTAC. 

AI Spirit dep atalatyn jobany Innopolıs ýnıversıtetiniń stýdentteri qurǵan. Olar SD-1 (Synthetic Dream) dep atalatyn «sıngýlıarly parfıýmniń» alǵashqy nusqasyn tanystyrdy — bul átir jasandy ıntellekt kómegimen jasalǵan alǵashqy ıisterdiń biri.

Neırojúıe álemdegi eń tanymal 40 000 átirdiń qurylymyn jáne paıdalanýshy pikirlerin zertteı otyryp, ámbebap tartymdylyq formýlasy tabýǵa tyrysqan.

— Bizdiń komanda hosh ıistiń tartymdylyq kodyn taýyp, álemdegi eń úzdik parfıýmdi jasaý degen bıik maqsat qoıdy», — deıdi AI Spirit jobasynyń teńqurýshysy Sergeı Polın.

Parfıýmer maman kómektesti

Jobaǵa kásibı parfıýmer Veronıka ıAmılova da qatysqan. Ol neırojúıe usynǵan derekterdi tolyqqandy ónimge aınaldyrýǵa kómektesken.

— Bul — qur algorıtm emes, ıister men emotsııalar arasyndaǵy kózge kórinbeıtin baılanystar kartasyn qolmen ustaýǵa múmkindik beretin qural, — deıdi ıAmılova.

SD-1 hosh ıisiniń quramy:

• Irıs

• Jasmın

• Qyzǵylt burysh

• Týberoza

Bul ıis qazirgi ýaqytta bólme spreıi retinde qoljetimdi. Komanda týalet sýyn sertıfıkattaýdy bastap ketti jáne shekteýli tırajben satylymǵa shyǵarýdy josparlap otyr.

Bolashaqta AI Spirit jobasy brendterdiń suranysy boıynsha parfıýmder jasap, tipti árbir qoldanýshyǵa jeke átir tańdaýdy maqsat etip otyr.

Al Qazaqstanda «Bolashaq» túlekteri otandyq ıissý oılap tapqan edi.