Jasandy ıntellekt adamnyń ornyn aýystyra ala ma

ASTANA. KAZINFORM – Elimizde jasandy ıntellekt týraly zań jobasy ázirleý qolǵa alyndy. Osy oraıda jasandy ıntellekt adamnyń ornyn aýystyra ala ma, keıbir mamandyqtardyń joıylý qaýpi bar ma? Bul saýalǵa Tsıfrlyq damý, ınnovatsııalar jáne aeroǵarysh ónerkásibi mınıstrliginiń ókilderi jaýap berdi.

«Jasandy ıntellekt keıbir fýnktsııalardy almastyrmaıdy, biraq tolyqtyrady. Mysaly, konsýltanttardyń jumysy týraly aıtatyn bolsaq, ol jerde jasandy ıntellekt qajetti aqparatty tezirek tabady. Aýdarmashylardyń jumysyna keletin bolsaq, jasandy ıntellekt aýdarmashylardy tolyǵymen almastyra almaıdy. Jasandy ıntellekt – jańa múmkindikterdi ashady, máselen mátindi tekserý jáne baǵalaý», – dedi Tsıfrlyq damý, ınnovatsııalar jáne aeroǵarysh ónerkásibi mınıstrligi Innovatsııalar damytý departamentiniń dırektory Darhan Myrzabaev OKQ-de brıfıng barysynda qoıylǵan saýalǵa jaýap bere turyp. 

Onyń aıtýynsha, qazirgi ýaqytta kez-kelgen mamandyqty jasandy ıntellektimen almastyrý týraly aqparat joq. 

Ulttyq aqparattyq tehnologııalar AQ basqarma tóraǵasy Rostıslav Konıashkın jasandy ıntellekt arqyly nemese jasandy ıntellekt modelinde jasalǵan ónimderge avtorlyq quqyqtar týraly másele Tsıfrlyq damý, ınnovatsııalar jáne aeroǵarysh ónerkásibi mınıstrliginiń baqylaýynda bolatynyn aıtty.

«Zańnamalyq jáne normatıvtik aktiler sheńberinde beıneni, mýzykalyq shyǵarmalardy jáne taǵy basqa jańashyldyqty ázirleý úshin jasandy ıntellektini qoldanýda avtorlyq quqyq retteletin bolady», - dep tolyqtyrdy Rostıslav Konıashkın. 

Aıta keteıik, Qazaqstanda jasandy ınttelekt týraly zań jobasy ázirlenip jatyr.