Jas jýrnalısterge arnalǵan eki kúndik trenıng ótip jatyr
ALMATY. Qazannyń 15-i. QazAqparat /Erbol Azanbek/- Búgin Almatydaǵy «Alataý» shıpajaıynda «Qazaqstannyń aýa-raıynyń ózgerý máselelerin BAQ--ta kóterý tásilderi» atty ekikúndik semınar-trenıng bastaldy.
BUU-nyń Damý baǵdarlamasy men «MediaNet» halyqaralyq jýrnalıstıka ortalyǵy uıymdastyrǵan sharaǵa 30 jas jýrnalıst pen stýdent qatysýda. Olardyń 9-y óńirlerden kelgen.
«Shara jýrnalıster men jýrnalıstıka fakýltetinde oqyp jatqan joǵary kýrs stýdenterine arnalǵan. Olarǵa eki kúndik shara barysynda ekolog-sarapshylar, medıa bilim berý salasynyń jattyqtyrýshylary, ekologııa salasyn zertteýshi jýrnalıster BAQ betterinde ekologııa salasynda jazý tásilderin úıretedi. Sondaı-aq jas jýrnalıster aýa-raıynyń Qazaqstannyń damýyna áseri, ondaǵy túrli máselelerdi qoǵamǵa jetkizýdiń ádis-tásilderi týraly da sabaq alady»,-deıdi «MediaNet» halyqaralyq jýrnalıstıka ortalyǵynyń joba menedjeri ıÝlıa Kýznetsova.
Shara aıasynda Almaty oblysynyń Eńbek aýylyna baspasóz sherýi uıymdastyrylmaq. Onda sharaǵa qatysýshylar aýylsharýashylyǵynda kún energııasy tehnologııalaryn paıdalaný tájirıbesimen tanysady. Shara qorytyndysy boıynsha eń úzdik maqalaǵa konkýrs jarııalanbaq. Saıys jeńimpazdary noýtbýk, netbýk, dıktofon sııaqty baǵaly zattarmen marapattalatyn bolady.
